कर्जत/दि.८-कर्जत तालुक्यातील रातंजन येथे दोन शाळकरी मुलांचा सीना नदीत बुडून मृत्यू झाल्याची घटना शनिवारी (8 ऑगस्ट) तीन वाजण्याच्या सुमारास घडली. ही दोन्ही मुले नदीवर पोहण्यासाठी गेली होती. मयत झालेल्या मुलांची नावे सिध्दार्थ विजय काळे (वय 16), तेजस सुनील काळे (वय 15) आहेत. सीना नदीतून बेसुमार वाळू उपसा असल्याने याठिकाणी वीस फूटापर्यत खड्डे आहेत. बख्रयाच दिवसांनी सीना नदी वाहती झाल्याने ही मुले पोहण्यासाठी नदीवर गेली होती. पाण्यात या खड्ड्यांचा अंदाज न आल्याने ही खोल पाण्यात बुडाली.
घटनेची माहिती समजताच गावातील तरूणांनी सुमारे अर्धा तास पाण्यात बुड्या घेऊन या मुलांचे मृत बाहेर काढले. पाच वषार्पूर्वी याच गावात दोन मुलांचा असाच पाण्यात बुडून अंत झाला होता. घटनास्थळी तहसीलदार नानासाहेब आगळे यांनी तातडीने भेट दिली
