एचडीएफसीच्या चौकशीसाठी समिती स्थापन

मुंबई/दि. २ – रिझर्व्हबँकेने एचडीएफसी बँकेच्या आयटी इन्फ्रास्ट्रक्चरचे ऑडिट करण्यासाठी एका व्यावसायिक आयटी कंपनीची नियुक्ती केली आहे. या प्रकरणाची माहिती असलेल्या एका सूत्रांनी सांगितलेकी, रिझर्व्ह बँकेने यापूर्वी बँकेकडूनच आयटी पायाभूत सुविधांचा अहवाल मागविला होता. बँकेच्या पायाभूत सुविधांची चौकशी करण्यासाठी रिझर्व्ह बँकेने स्वतंत्र संस्थेची नेमणूक केली आहे.
अलीकडील घटनांनंतर बँकेने आपल्या आयटी पायाभूत सुविधांना बळकट करून डिजिटल क्षमता वाढविली आहे की नाही याची चौकशी रिझर्व्ह बँक करीत आहे. तिसर्‍या पक्षाकडेचौकशी सोपविणेहा त्याचा एक भाग आहे. एचडीएफसी बँकेनेही रिझर्व्ह बँकेच्या निर्णयाची माहिती स्टॉक एक्सचेंजला दिली आहे. एचडीएफसी बँक म्हणते की, गेल्या दोन वर्षांत इंटरनेट बँकिंग, मोबाइल बँकिंग, ऑनलाइन पेमेंटमधील अडचणींमुळे रिझर्व्ह बँकेने हे पाऊल उचलले आहे. 21 नोव्हेंबर 2020 रोजी बँकेच्या प्राथमिक डेटा सेंटरमध्ये वीजपुरवठा खंडीत झाल्यामुळे ग्राहकांना बर्‍याच अडचणींना सामोरे जावे लागले.
अलीकडील घडामोडी लक्षात घेता रिझर्व्ह बँक दोन धोरणांवर काम करत आहे. अशी अपेक्षा आहेकी, बँक येत्या 10 ते 12 दिवसांत डिजिटल उपकरणांचा व्यवहार करण्यासाठी अल्पकालीन योजना आणू शकेल. अल्प मुदतीच्या योजनेचे उद्दिष्ट तांत्रिक अडचणीचे निराकरण करणे हे आहे. एकदा अल्प-मुदतीचा मुद्दा निश्चित झाल्यानंतर बँकेला नवीन डिजिटल लाँचसाठी सेबीची परवानगी मिळू शकेल. सेबीने तीन डिसेंबर 2020 रोजी म्हटले होते, की बँकेची डिजिटल क्षमता वाढवत नाही, तोपर्यंत नवीन डिजिटल योजना सुरू करता येणार नाही.