मोर्शी तालुका मराठा सेवा संघाची कार्यकारिनी गठीत

मोर्शी तालुका प्रतिनिधी दि १४ – मोर्शी येथे मराठा सेवा संघकार्यकारिणी मराठा सेवा संघाचे प्रदेश उपाध्यक्ष अरविंद गावंडे यांच्या उपस्थितीत जाहीर करण्यात आली, कृषी उत्पन्न बाजार समिती मोर्शी येथे झालेल्या बैठकीमध्ये मराठा सेवा संघाची तालुका कार्यकारिणी व पदाधिकाऱ्यांची नियुक्ती करण्यात आली .

      राष्ट्रमाता राजमाता जिजाऊ यांच्या विचारांनी प्रेरित होऊन छत्रपती शिवरायांच्या विचारधारेचा तसेच फुले शाहू, आंबेडकर, यांच्या वैचारिक चळवळीचा वसा आणि वारसा पुढे चालू ठेवण्यासाठी आणि ज्याप्रमाणे छत्रपती शिवरायांनी या महाराष्ट्रातील जनतेला त्यांच्या अस्तित्वाची जाणीव करून दिली , त्यांना आत्मभान मिळवून दिले अगदी त्याच व्यापक विचारांना आदर्श मानून युगपुरुष

अ‍ॅड. पुरुषोत्तम खेडेकर यांनी अगदी बोटावर मोजता येतील एवढ्या समाज बांधवांना सोबत घेऊन १ सप्टेंबर १९९० रोजी मराठा सेवा संघाची स्थापना केली.

बहुजन समाजातील सर्व घटकांनी एकत्र याव या उदात्त हेतूने युगपुरुष अ‍ॅड. पुरुषोत्तमजी खेडेकर यांनी इतिहासाचा सखोल अभ्यास व चिंतन करून ‘मराठा सेवा संघाची’स्थापना करण्यात आली .मराठा सेवा संघ व त्या अंतर्गत ३३ कक्षांच्या माध्यमातून सर्व मराठा समाजाच्या अथक परिश्रमामुळे आंतरराष्ट्रीय स्तरावर पुरोगामी विचारांच सशक्त व राष्ट्रनिर्मितीकरिता बलशाली संघटन म्हणून मराठा सेवा संघ सर्वांना सुपरिचित झालाअसल्याचे प्रतिपादन मराठा सेवा संघाचे प्रदेश उपाध्यक्ष अरविंद गावंडे यांनी केले.

    मोर्शी येथे मराठा सेवा संघ शाखा मोर्शी तालुका कार्यकारिणी निवड सभा मराठा सेवा संघाचे प्रदेश उपाध्यक्ष  अरविंद गावंडे यांच्या अध्यक्षतेखाली संपन्न झाली त्यावेळी मराठा सेवा संघाचे जिल्हा अध्यक्ष अश्विन चौधरी, जिल्हा संघटक मनोहर कडू, माजी जिल्हा अध्यक्ष चंद्रकांत मोहिते,  यांच्या प्रमुख उपस्थितीत मोर्शी तालुका मराठा सेवा संघाच्या कार्यकारिणीची निवड करण्यात आली असून त्यामध्ये मराठा सेवा संघाच्या तालुका अध्यक्ष पदी डॉ संदीप राऊत, उपाध्यक्ष पदी रुपेश वाळके,  कार्याध्यक्ष पदी संदीप रोडे, सचिव पदी श्रीकांत देशमुख,   उपाध्यक्ष पदी निखिल चिखले, यांची नियुक्ती करण्यात आली . याप्रसंगी उपस्थित मान्यवरांनी मराठा सेवा संघाच्या कार्यावर प्रकाश टाकून मराठा सेवा संघाची नवीन कार्यकारिणी निवड करण्यात आली .

त्यावेळी मराठा सेवा संघाचे प्रदेश उपाध्यक्ष अरविंद गावंडे, जिल्हा अध्यक्ष अश्विन चौधरी, जिल्हा संघटक मनोहर कडू,  माजी जिल्हा अध्यक्ष चंद्रकांत मोहिते,   तालुका अध्यक्ष प्रवीण राऊत , गजानन चौधरी, डॉ संदीप राऊत, संदीप रोडे, श्रीकांत देशमुख , रुपेश वाळके, रवींद्र जाणे, डी. डी. म्हाला , शरदराव विधळे, प्रा. अनिल कडू, निखिल चिखले, राजेश भाकरे, विजयराव कोकाटे, चक्रधरराव ठवळी, नगरसेविका क्रांतीताई चौधरी, सौ शारदाताई विधळे, यांच्यासह आदी मराठा सेवा संघाचे पदाधिकारी व मान्यवर मंडळी उपस्थित होते आणि यावेळी उपस्थितांनी नवीन कार्यकारिणीचे अभिनंदन केले.