अर्थव्यवस्था पूर्वदावर येण्यास वेळ लागणार

मुंबईः रिझव्र्ह बँकेचा २०१९-२० चा वार्षिक अहवाल (Reserve Bank Annual Report for 2019-20) जाहीर झाला आहे. कोरोनामुळे अर्थव्यवस्था ठप्प झाल्याचे या अहवालात म्हटले आहे. त्याचा परिणाम उत्पादन व पुरवठा साखळीवर झाला आहे. उत्पन्न कमी झाल्याने खर्चाचे प्रमाण घटले आहे. वार्षिक अहवाल वाढती गुंतवणूक आणि सुधारणांवर केंद्रित आहे. या अहवालात, रिझव्र्ह बँकेने म्हटले आहे, की दुस-या तिमाहीत कोरोनाचा आर्थिक क्रियाकलापांवर परिणाम होईल. गुंतवणूकीसाठी सुधारणेचे आदेश दिले आहेत. या अहवालात रिझव्र्ह बँकेने २०४० पर्यंत इन्फ्रामध्ये चार ट्रिलियन डॉलर्सची गुंतवणूक करण्याची आवश्यकता आहे, असे म्हटले आहे. या अहवालात असे म्हटले आहे, की २०१९-२०२० मध्ये एकूण उत्पन्न दीड लाख कोटी होते. मागील वर्षातील याच कालावधीत एकूण निव्वळ उत्पन्न १.९५ लाख कोटी होते. ते आता एक लाख दहा हजार कोटींपर्यंत घसरले आहे. ३० जूनपर्यंत रिझव्र्ह बँकेकडे एकूण ११ लाख ७६ हजार कोटी रुपये जमा होते. २०१९-२० वार्षिक अहवाल पुढे म्हणतो, की या काळात शहरी भागात मागणी मोठ्या प्रमाणात घटली. शहरांपेक्षा ग्रामीण भागात मागणी चांगली आहे. उपभोग सुधारण्यास वेळ लागेल आणि परिस्थिती सामान्य होईल. स्थलांतरितांचे संकट आणि घटत्या रोजगारामुळे विकासावर परिणाम झाला आहे. पूर्वीप्रमाणेच मागणी परत करण्यास वेळ लागेल, असे या अहवालात म्हटले आहे.