कोचर यांना क्लीन चिट मिळाल्याने व्हिडीओकाॅनचा मार्ग मोकळा

मुंबई/दि.१७ – आयसीआयसीआय बँकेच्या मुख्य कार्यकारी अधिकारी अध्यक्ष चंदा कोचर यांना व्हिडीओकाॅन कर्ज प्रकरणात क्लीन चिट मिळाल्यामुळे व्हिडीओकाॅनचा कर्ज मिळवण्याचा मार्ग आता मोकळा झाला आहे.
पीएमएलए अधिका-यांनी अंमलबजावणी संचालनालयाचा आदेश फेटाळून लावला आहे. कोचर यांनी व्हिडीओकॉन इंडस्ट्रीजला कर्ज देण्याच्या बाबतीत क्लीन चिट दिली. ईडी यापुढे कोचर यांची मालमत्ता जप्त करणार नाही. त्यामुळे व्हिडीओकॉन इंडस्ट्रीज आता दिवाळखोरी आणि दिवाळखोरी अधिनियम (IBA) च्या कलम 12 ए अंतर्गत कर्ज पुनर्रचनासाठी अर्ज करू शकतात. व्हिडीओकॉन इंडस्ट्रीजचे प्रवर्तक वेणुगोपाल धूत यांनी सांगितले, की त्यांचा अर्ज सध्या पतधोरण समितीकडे प्रलंबित आहे. ही समिती लवकरच या अर्जावर निर्णय घेणार आहे. प्रिव्हेन्शन ऑफ मनी लॉन्ड्रिंग ॲक्ट (PMLA) शी संबंधित प्राधिकरणाने कोचर यांची मालमत्ता जप्त करण्याचा आदेश फेटाळून लावून त्यांना क्लीन चिट दिली. बराच काळ चाललेला खटला संपला आहे. त्यामुळे भारतीय बँका आता व्हिडिओकॉनच्या अर्जावर निर्णय घ्यायला मोकळ्या झाल्या आहेत.
ईडीचा दावा फेटाळून लावताना पीएमएलए प्राधिकरणाने सांगितले, की कोचर यांनी आयसीआयसीआय बँकेच्या पत धोरणानुसार व्हिडीओकॉन ग्रुपला 300 कोटींचे कर्ज दिले आहे. व्हिडीओकॉन इंटरनॅशनल इलेक्ट्रॉनिक्सला दिले गेलेले कर्ज कधीच एनपीए म्हणून घोषित केले गेले नाही,” असे या आदेशात नमूद करण्यात आले आहे. या निकालानुसार चंदा कोचर यांचे पती दीपक कोचर यांच्या कंपनी नुपावर नूतनीकरण करणा-या धूत यांच्या 64 कोटी रुपयांच्या गुंतवणुकीचा सीबीआयने दाखल केलेल्या एफआयआरमध्ये उल्लेख नाही.