सहा वर्षांतील सर्वोच्च महागाई

मुंबई/दि.१३ – केंद्र सरकारने ऑक्टोबरसाठी महागाईची आकडेवारी जाहीर केली आहे. त्यानुसार ऑक्टोबरमध्ये महागाईचा दर 7.61 टक्के राहिला. गेल्या सहा वर्षांत नरेंद्र मोदी पंतप्रधान झाल्यापासून आतापर्यंतची ही महागाईची सर्वोच्च पातळी आहे.
गेल्या नऊ महिन्यांपासून महागाईत सातत्याने वाढ होत आहे. ऑक्टोबरच्या निर्देशांकात नजर टाकल्यास अन्नधान्याच्या किमतीत महागाई 10.16% दराने वाढली आहे. महागाईतील अन्नपदार्थाच्या किंमतींचा वाटा  45.8 टक्के आहे. ऑक्टोबरमध्ये अनेक शहरांमध्ये कांदा-बटाटाचे दर गगनाला भिडले होते. कांदा 100 रुपये प्रतिकिलो दरावर पोहोचला होता. ऑक्टोबर-2019 च्या तुलनेत मागील महिन्यात भाज्या 2२
टक्के महाग झाल्या. यामुळे अन्नधान्य महागाई आणि एकूण किरकोळ महागाई वाढली. एप्रिल आणि मेमधील टाळेबंदीमुळे सरकार देशभरातील बाजारपेठेतून डेटा गोळा करू शकले नाही. जूनपासून, जेव्हा बाजारातून पुन्हा डेटा आला, तेव्हापासून महागाई सातत्याने वाढत आहे. देशभरात टाळेबंदीमुळे भाज्या तसेच अंडी, मासे आणि इतर प्रथिने उत्पादनांच्या पुरवठ्यावर परिणाम झाला आहे. ऑक्टोबरमध्ये अंडी 21 टक्के आणि मांस आणि मासे 18 टक्क्यांनी महाग झाले.
भारतात महागाई वाढत असताना चीनमध्ये ऑक्टोबरमध्ये चलनवाढीचा दर ११ वर्षातील  0.5% इतका कमी होता. आफ्रिकन स्वाइन फिव्हर हे त्याचे कारण आहे. लोकांनी डुक्कर खाणे बंद केले आहे. तेथे नोव्हेंबरमध्ये महागाई नकारात्मक राहण्याची अपेक्षा आहे. अमेरिकेतही ऑक्टोबरमध्ये महागाई 1.3 टक्के होती. ब्रिटन आणि जपानमधील महागाई देखील कमी वास्तविक या देशांमध्ये मंदी आणि विघटन होण्याचा धोका आहे. महागाईचा दर चार टक्क्यांच्या आत ठेवण्यासाठी सरकारने रिझर्व्ह बँकेवर जबाबदारी सोपविली आहे. ऑक्टोबर हा सलग सातवा महिना असून महागाई सहाटक्क्यांहून अधिक आहे. गेल्या पतधोरण आढाव्यात रिझर्व्ह बँकेने दर कमी केले नाहीत. अशाच प्रकारे महागाई वाढत राहिल्यास व्याजदरामध्ये कपात होण्याची शक्यता कमी आहे. कांद्यावर साठा मर्यादा लादूनही, बटाटा आणि कांद्याची आयात वाढवूनही तसेच धान्यांवरील आयात शुल्क कमी करूनही खाद्यपदार्थांच्या किंमती कमी झाल्या नाहीत.