नवी दिल्ली/ दि. १६ – कामगार मंत्री संतोष गंगवार यांनी बुधवारी सांगितले, की कोरोना विषाणूच्या साथीच्या वेळी केंद्र सरकारने कामगारांच्या कल्याणासाठी अनेक पावले उचलली आहेत. यामध्ये दोन कोटींहून अधिक इमारत व बांधकाम कामगारांना दोन हजार पाच हजार कोटी रुपयांपेक्षा जास्त मदत देण्याचाही समावेश आहे. सरकारच्या या प्रयत्नांसह, कोरोना विषाणूच्या साथीच्या वेळी, सुमारे दोन लाख कामगारांना सुमारे 295 कोटी रुपयांचे स्थिर वेतन देण्यात आले.
कामगार मंत्रालयाने जारी केलेल्या निवेदनात गंगवार म्हणाले, की कोरोना साथीच्या काळात केंद्र सरकारतर्फे भारत भरातील प्रवासी कामगारांसाठी कामगार कल्याण आणि रोजगारासह अनेक अभूतपूर्व पावले उचलली गेली आहेत.टाळेबंदी लागू केल्यानंतर लगेच कामगार आणि रोजगार मंत्रालयाकडून, सर्व राज्य सरकारांना / केंद्रशासित प्रदेशांना बांधकाम कामगारांना आणि इतर बांधकाम कामगारांना आर्थिक मदत देण्याचे निर्देश देण्यात आले. मंत्री म्हणाले, की आतापर्यंत सुमारे दोन कोटी स्थलांतरित कामगारांना त्यांच्या बँक खात्यात इमारत व इतर बांधकाम कामगार उपकर निधीतून पाच लाख कोटी रुपये पाठविण्यात आले आहेत. विशेष टाळेबंदी दरम्यान स्थलांतरित कामगारांच्या तक्रारी सोडविण्यासाठी कामगार व रोजगार मंत्रालयाने देशभरात 20 नियंत्रण कक्षांची स्थापना केली होती.
टाळेबंदी दरम्यान कामगार नियंत्रण समितीच्या माध्यमातून कामगारांच्या 15 हजार तक्रारींचे निवारण करण्यात आले आणि कामगार मंत्रालयाच्या हस्तक्षेपामुळे सुमारे दोन लाख कामगारांना सुमारे अडीच हजार कोटी कोटींच्या वेतनाची थकबाकी देण्यात आली.
