भोपाळ/दि.२० – मध्य प्रदेशचे माजी मुख्यमंत्री कमलनाथ यांनी राज्याच्या महिला व बालविकास मंत्री इम्रती देवी यांच्याबाबत केलेल्या वादग्रस्त वक्तव्याने खळबळ उडाली आहे. मुख्यमंत्री शिवराजसिंह चौहान, ज्योतिरादित्य शिंदे, गृहमंत्री नरोत्तम मिश्रा यांच्यासह अनेक नेते वेगवेगळ्या शहरात मूक आंदोलन केले. इम्रती देवी यांनी काँग्रेसच्या कार्यकारी अध्यक्ष सोनिया गांधी यांच्याकडे कमलनाथ यांना पक्षातून काढून टाकण्याची मागणी केली आहे. बहुजन समाज पक्षाच्या प्रमुख मायावती यांनी कमलनाथ यांना काँग्रेसने माफी मागावी, अशी मागणी केली आहे. कमलनाथ यांनी रविवारी डाबराच्या निवडणूक सभेत इम्रती देवीला आयटम म्हटले. त्याचा निषेध म्हणून शिवराज जुन्या विधानसभेत गांधी पुतळ्यासमोर मौन धारण करून बसले होते. खासदार ज्योतिरादित्य शिंदे इंदूरमध्ये मौन धारण करून उपोषणास बसले. ग्वाल्हेरमध्ये भाजपचे प्रदेशाध्यक्ष व्ही.डी. शर्मा, केंद्रीय कृषिमंत्री नरेंद्रसिंह तोमर, राज्यसभेचे माजी खासदार प्रभात झा आणि अनेक नेते ग्वाल्हेर येथे धरणे धरून बसले. राष्ट्रीय महिला आयोगाच्या अध्यक्ष रेखा शर्मा यांनी ट्विट केले, की कमलनाथ यांना नोटीस पाठविली आहे. याबाबत निवडणूक आयोगाला एक पत्रही लिहिले आहे. ग्वाल्हेर विभागाचे पक्षाचे प्रवक्ते केके मिश्रा यांचे म्हणणे आहे, की कमलनाथ यांनी कोणत्याही महिलेला लक्ष्य केले नाही. शिवराजसिंह म्हणाले, की मी माझा अपमान सहन करीन; पण आज कमलनाथ यांनी खूप अन्याय केला. ग्वाल्हेरने चंबळच्या मातीच्या कन्येचा अपमान केला आहे. एखाद्या गरीब व्यक्तीच्या मुलीचा अवमान करण्याचा तुम्हाला अधिकार आहे का? लाज वाटली पाहिजे. रविवारी रात्री भोपाळ येथे भाजपने कमलनाथ यांचा पुतळा जाळला. मंत्री इमरती देवी म्हणाल्या, की या लोकांना मध्य प्रदेश माहीत नाही. त्यांना मध्य प्रदेशात राहण्याचा अधिकार नाही. रविवारी कमलनाथ काँग्रेसचे उमेदवार सुरेश राजे यांच्या समर्थनार्थ ग्वाल्हेर जिल्ह्यातील डाबरा येथे प्रचारसभा घेतली. भाजपच्या उमेदवार इम्रती देवी यांचा नामोल्लेख टाळून ते म्हणाले, की आमचे राजे साध्या स्वभाराचे आहेत. ते सरळ आहेत. ते विरोधी उमेदवारासारखे नाहीत. मी त्याचे नाव का द्यावे? तर लोक म्हणाले- इमरती देवी. यावर कमलनाथ हसले. ते म्हणाले, की तुम्ही लोक त्याला माझ्यापेक्षा जास्त ओळखता. तू मला अगोदरच सावध केले पाहिजे. काय आयटम आहे. त्यावरून आता देशभर वादंग सुरू झाले. मायावती यांनीही कमलनाथ यांच्या वक्तव्याचा चांगलाच समाचार घेतला.
