वरुड प्रतिनिधी/२३ ऑगस्ट – भरधाव व अनियंत्रीत वाहनाने दुचाकीला दिलेल्या धडकेत दुचाकीचालकाचा मृत्यू झाल्याची घटना नुकतीच बेनोडा (शहीद) पोलिस स्टेशन अंतर्गत येणा:या उमरखेड गावानजीक घडली. याप्रकरणी पोलिसांनी अज्ञात वाहनचालकाविरुध्द गुन्हा दाखल केला आहे.
याबाबत प्राप्त माहीतीनुसार तालुक्यातील गोरेगांव येथील रहिवाशी असलेला प्रविण दौलतराव उईके (२६) हा युवक मोर्शी वरुन येत असतांना अज्ञात वाहन चालकाने त्याच्या दुचाकीला जोरदार धडक दिली. या धडकेत प्रविण हा गंभिररित्या जखमी झाला. गंभिरावस्थेत प्रविणला अमरावती येथे उपचारार्थ हलविण्यात आले परंतु उपचारादरम्यान मृत्यू झाला.
या प्रकरणी मृतकाचा भाऊ रामकृष्ण दौलतराव उईके (३२) यांचे फिर्यादीवरुन बेनोडा (शहीद) पोलिसांनी अज्ञात वाहनचालकाविरुध्द भादंवि २७९, ३०४ (अ) अन्वये गुन्हा दाखल केला असून पुढील तपास ठाणेदार सुनिल पाटील यांचे मार्गदर्शनाखाली सुरु आहे.
